سلام سلام اوشاقلار

اوشـاقــلار آی اوشـاقـــلار

گلینـگ تـا بئل باغــلایاگ

اؤزگه دیلی دؤشونده

تـوركـی دیلـی سـاخلایاگ

گنجشكه بیز قـوش دئره‌گ

آشنــایـا تـانیـش دئـره‌گ

ابـره بـولـوت سـؤیله ره‌گ

بـارانـا یــاغیـش دئــره‌گ

خـرگـوشه دووشان دئره‌گ

مـوشادا سیـچان دئـره‌گ

لاك پشت اولـور تــوسبـاغا

بیـز مــارا ایــلان دئــره‌گ

اوشــاقـلار آی اوشــاقــلار

گلینـگ تـا بیـز سـوروشاگ

آتــامیـــزدان، آنــــــادان

تــوركـو دیلــه دانیــشاگ

ســرمایـا ســوووق دئره‌گ

مرغــه ده تـوووق دئره‌گ

تورمـاگ بـاخـاگ ایـراقدان

نزدیكـه یــوووق دئــره‌گ

ده‌وه دئـده‌گ شتــــــرا

سنـگ دئمیـره گ كـوتورا

سـؤز دئیه‌ره‌گ اوره‌گدن

تا گـوینــونگـه اوتـــــورا

مـن اؤزگـه‌یـه جان دئمم

آنــامـا مـــامــــان دئمم

بــرف بیـلیــرم قـار اولــور

هئــچ كیمــه یــالان دئمم

هنـــدونه قـارپــیز اولـــور

نعنــادا یــارپـــیز اولــــور

آی هئـــچ زامان ماه اولمـاز

ستــــاره اولـــدوز اولـــور

بـورمـاغــا انگشـت دئمـــم

یـوموروغــا مشـت دئمــــم

اتیم تـؤكـولــور یـولـــداش

اتیمیـزه گــوشـت دئمــــم

اوشــاقــلار آی اوشــاقــلار

گلینـگ گئـــدگ اوینـایاگ

بیـر_ بیر اینان جوش یئیگ

قـازان تكیــن قــاینـایــاگ